Muqdisho | QOL | May 5, 2018 – Madaxa Xukuumadda Galmudug Shiikh Maxamed Shaakir Cali Xasan iyo Agaasimaha Waaxda Dhaqan celinta Maleeshiyaadka u qaabilsan Xukuumadda Federaalka Soomaaliya ayaa si wada jir ah u daah furay Xaruntaan.
Waxyaabaha keenay in la furo Xarunta waxa uu Sh.Shaakir ku sheegay in ay tahay kadib markii ay kordheen dhalinyarada isaga baxeyso Al-Shabaab sida uu hadalka u dhigay.
Ka maamul ahaan iyagoo Kaashana Dowladda ay go’aansadeen sameynta Xarun lagu hayo dhalinyaradaasi, si dhaqan celin loogu sameeyo.
Madaxa Xukuumadda ayaa sheegay in aanan horay u jirin Xarumo lagu hayo Dhalinyarada isaga tagta Al-Shabaab, kana soo jeeda Deegaanada Maamulkaasi.
Agaasimaha Waaxda Dhaqan celinta Wasaaradda Amniga Xukuumadda Federaalka Soomaaliya ayaa dhankiisa sheegay in Xukuumadda aanan ka gacma laaban doonin.
Waxa uu sheegay in fursat ay u tahay Dhalinyarada isaga baxeyso Al-Shabaab, sidaa awgeedna Maamulka Galmudug ay ka gacan siin doonaan socod-siinta qorshahaan.
.
W/Q:-Bashiir Barre ALI
Xafiiska Wararka Qaranimo Online | Muqdisho
______________________________________________________
