Muqdisho | QOL | September 03, 2019 —Madaxweynaha Somaliland Muuse Biixi Cabdi iyo wefdi uu hoggaaminayo ayaa maanta oo ay taariikhdu tahay 03-09-2019 safar shaqo ugu baxay dalka Jamhuuriyadda Jabuuti.
Safarkan shaqo oo qaadan doona muddo kooban ayaa isla maanta markay gaaraan dalka Jabuuti wefdiga madaxweynuhu waxay si rasmi ah u gudo-geli doonan hawlaha shaqo ee ay dalkaasi u tageen.
Ujeedada safarka madaxweynuhu wuxuu daaran yahay xoojinta xiriirka qotada dheer iyo iskaashiga horumarka ee ka dhexeeya labada dal ee Somaliland iyo Jamhuuriyadda Jabuuti.
Waxaana Madaxweynaha Safarka ku wehelinaaya wasiirrada wasaaradaha, arrimaha dibeda iyo iskaashiga caalamiga ah, gashaandhiga iyo xannaanada xoolaha iyo horumarinta kalluumaysiga.
Xafiiska Wararka Qaranimo Online | Muqdisho
______________________________________________________
