.

Khamiis: December 2, 2021

Degaano dhowr ah oo ka tirsan gobolka Tigray ee dalka Itoobiya ayaa laga yaabaa in ay marti galisp mugdi aan horay loo arag dhowrka bilood ee soo socda, ka dib markii la burburiyay xarun korontada laga dhaliyo ee Tekeze, taasoo u adeegta deegaanno badan oo ku yaalla waqooyiga Itoobiya.

Arbacadii, Ciidanka Cirka ee Itoobiya ayaa duqeeyay saldhiga iyagoo ku raad jooga ciidamada Difaaca Tigray [TDF] ku sii xoogeystay waqooyiga, iyadoo Ra’iisul Wasaare Abiy Axmed uu shaqsiyan ku biiray safka hore ee dagaalka.

Burburintan ayaa timid kadib markii ay cabasho ka muujiyeen ciidamada Tigreega ee ku aadan in maamulka Addis Ababa uu sidoo kale jaray xiriirkii gobolka ka dib markii uu burburay kaabayaashii isgaarsiinta ee waqooyiga Itoobiya tan iyo markii dagaalku qarxay. dagaalku wuxuu bilaabmay November 2020.

Getachew Reda, oo ah afhayeenka ciidamada difaaca Tigrayga, oo ka tirsan xisbiga Tigray People’s Liberation Front [TPLF], ayaa sidoo kale xaqiijiyay burburka biyo xireenka Tekeze, kaasoo qayb ahaan ka shaqeeya gobollada deriska ah ee Canfarta iyo Axmaarada.

“Maamulka sii dhimanaya ee Abiy Axmed ayaa subaxnimadii hore ee 30-kii November duqeeyey biyo xireenka Korontada ee Tekeze,” ayuu yiri. “In taliska Addis Ababa uu wixii uu awoodo uu ku baabi’iyo wax kasta oo wax u taraya dadka Tigrayga cidna kama qarsoona”.

Ciidamada Difaaca Qaranka ee Itoobiya [ENDF] ayaa hawlgallo ka dhan ah TDF bilaabay bilo kadib markii ay lumiyeen magaalooyin badan oo ay gacanta u galeen fallaagada Tigrayga. Run ahaantii, ciidamadu waxay ku guulaysteen in ay dhowr jeer qabsadaan ka dib markii ay si xeeladaysan uga baxeen ciidamada Tigreega.

Khubarada Masaarida ayaa sidoo kale xaqiijiyay qabsashada magaalada taariikhiga ah ee Lalibela ee ENDF iyo ciidamada gobolka Axmaarada kadib markii ay dib u qabsadeen Gashena. Qabashada waxaa xaqiijiyay dowladda rasmiga ah ee Itoobiya oo uu ku jiro Xafiiska Ra’iisul Wasaaraha.

“Magaalada taariikhiga ah ee Lalibela waa la xoreeyay oo laga sifeeyay gumaysigii TPLF,” ayaa lagu yiri warsaxaafadeedka xafiiska raysal wasaaraha.

Sidoo kale, ENDF iyo xulafadooda ayaa qaaday weeraro culus oo ay dib ugu qabsanayaan deegaano katirsan gobolka Axmaarada. Kuwa kale, Gashena, Arbit, Dubko, Molale, Mezezo, Degolo, Were Ilu, Aketsa, iyo Shewa Robit ayaa dib loo qabsaday. Ciidamada Cirka ayaa sidoo kale ku lug lahaa howlgalladan.

Ciidanka gaarka ah, ENDF iyo ciidammada gobolka Axmaarada ayaa weerarro waaweyn ka fuliyay ka dib markii ay baaritaanno ka sameeyeen aagga ay qabsadeen usbuucii tagay. Laba taangi ay ka qabsadeen kooxda labadabu waa T-55.

Jiida hore ee Debre Sina iyo Shewa Robit ayaa weli waxaa ka socda dagaal. TDF iyo OLA waxay si kooban u galeen qaybo ka mid ah Debre Sina usbuucii la soo dhaafay, laakiin hadda waa looga adkeeyay dagaalka. Xaalada agagaarka Shewa Robit ayaa laga yaabaa in ay isbedesho, ayay khubaradu sheegeen

Office Nairobi kenya